Тоҷикӣ
Русский
English
Бо иҷрои дастуру супоришҳои президенти Академияи миллии илмҳои Тоҷикистон, академик Хушвахтзода Қ. Х., ҷиҳати тақвият бахшидан ба омӯзиши фанҳои дақиқ, рушди илмҳои бунёдӣ ва дар доираи татбиқи иқдомҳо бахшида ба Бистсолаи рушди фанҳои дақиқ, риёзӣ ва табиатшиносӣ, 28 январи соли 2026 дар Институти математикаи ба номи А. Ҷӯраеви Академияи миллии илмҳои Тоҷикистон семинари илмию назариявӣ баргузор гардид.
Дар семинар аввал дотсенти кафедраи алгебра ва назарияи ададҳои ДДОТ ба номи С.Айнӣ Олимов Мулоқанд Иноятович бо маърӯза дар мавзӯи «Тарзҳои гуногун аз адади комплексӣ баровардани решаи нишондиҳандааш n-ум» баромад намуданд.
Баъд аз он, Каримзода Мехрубон Маткарим доктаранти PhD-и ДРСТ дар мавзуи “Методы качественного и приближённого исследования бифуркаций в динамических системах с переключениями” баромад намуданд.
Дар кори семинар олимону устодони соҳаи математика аз Донишгоҳи миллии Тоҷикистон, Донишгоҳи давлатии омӯзгории Тоҷикистон ба номи С. Айнӣ, инчунин ходимони илмӣ, докторантону магистрантон фаъолона иштирок намуданд.
Иштирокчиён дар фазои баҳси илмӣ масъалаҳои муҳими усулҳои нави тадқиқотӣ ва натиҷаҳои бадастомадаро мавриди баррасӣ қарор дода, саволу пешниҳодҳои судманд ироа намуданд.
Семинар ба мубодилаи таҷрибаи илмӣ, таҳкими ҳамкориҳои илмӣ, ҷалби ҷавонон ба тадқиқоти илмӣ ва рушди минбаъдаи фанҳои дақиқ мусоидат намуда, дар фазои илмию эҷодӣ баргузор гардид ва барои иштирокчиён имконияти васеъ ҷиҳати ошноӣ бо натиҷаҳои нави таҳқиқотӣ фароҳам овард.