ТАБРИКОТИ ДИРЕКТОРИ ИНСТИТУТИ МАТЕМАТИКАИ БА НОМИ А. ҶӮРАЕВИ АКАДЕМИЯИ МИЛЛИИ ИЛМҲОИ ТОҶИКИСТОН  БА МУНОСИБАТИ ФАРОРАСИИ РӮЗИ ИДИ САИДИ ФИТР - РАҲИМЗОДА АЛИШЕР ОРЗУ

Ҳамватанон, ҳамкасбон ва дӯстони азиз!

  Имрӯз моҳи шарифи Рамазон ба охир мерасад. Дар ҳақиқат ин моҳ- моҳи раҳмату мағфират, хайру саховат, моҳи покизагӣ, бахшидани гуноҳҳо ва зиёд намудани амали хайр ба шумор меравад.
  Мардуми сарбаланди тоҷик дар партави пайрави аз сиёсати хайрхоҳона ва инсондӯстонаи Асосгузори сулҳу ваҳдати миллӣ,  Пешвои муаззами миллат,  Президенти Ҷумҳурии Тоҷикистон муҳтарам Эмомалӣ Раҳмон дар моҳи мубораки Рамазон баробари иҷрои фаризаҳои динӣ амалҳои хайрхоҳонаеро дар самти рушди соҳаҳои иҷтимоию иқтисодӣ ва пурнозу неъмат гардонидани дастархони ятимону эҳтиёҷмандон тақвият бахшида, суннату ойинҳои неки аҷдодӣ, аз ҷумла амалҳои хайру саховат ва бахшандагиро боз ҳам вусъат мебахшанд.

 Асосгузори сулҳу ваҳдати миллӣ - Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон дар бораи анҷоми корҳои нек ва ба анъана табдил ёфтани дастгирии ятимону эҳтиёҷмандон, аз ҷумла таъкид намудаанд:
  «Дар арафа ва рӯзи Иди саиди Фитр анҷом додани амалҳои хайру савоб, аз қабили дастгирии моддиву маънавии ятимону маъюбон, камбизоатону дармондагон ва пиронсолону муҳтоҷон аз ҷумлаи корҳое мебошад, ки дар ҷомеаи мо ба анъанаи нек табдил ёфтааст».
  Дар ин радиф бо пайрави аз сиёсати созандаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар тамоми гӯшаву канори мамлакат корҳои созандагию ободонӣ, аз қабили кабудизоркунии гирду атрофи муассисаҳои давлатӣ,  хонаву хиёбонҳои шаҳр, шинонидани гулу дарахтон, таъмиру тармими мактабу кӯдакистон, бунгоҳи тиббӣ, беморхона, китобхона, роҳу пулҳо зиёд гардида, таваҷҷуҳ ба сарфакорона истифода бурдани замин зиёд гардид. Чунин ташаббусҳои инсондӯстона ва иқдомҳои ватандӯстонаи шаҳрвандон ва соҳибкорони ватандӯст қобили таҳсин ва шоистаи дастгирӣ буда, бешубҳа барои ободии кишвари азизамон Тоҷикистон мусоидат менамояд
  Дар охир бори дигар ҳамаи Шуморо бо ин рӯзи Саид  табрику муборакбод намуда, аз даргоҳи Худованд бароятон хонаободӣ, сиҳативу саломатӣ, умри дароз, хушиҳои зиндагӣ, тинҷиву осоиштагӣ, ваҳдату таҳаммулпазирӣ, барору пешравӣ, комёбиҳо дар кору зиндагӣ, ризқу рӯзии фаровон ва дастурхони пурфайзу пурбаракатро орзу менамояд.

Иди Саиди Фитр муборак бошад!